Kasalukuyan kong binubo ang pangalawang strip ng "Seven [:D]eadly Scenes" kaninang umaga nang istorbohin ako ng bunso kong kapatid. Kumakain siya ng nilagang mani at naisipang paglaruan ito.

"Kuya... hanapin mo yung maning walang laman", nakangiti sya.

Sa dinami dami nga naman kasi ng lamang mani ng mangkok na hawak niya, napakahirap nang mahanap kung alin ang naiiba. Wala rin naman kasi halos pinagkaiba ang balat ng mani na walang laman sa maning hindi pa nagagalaw kapag naipwesto ng tama. Gayunpaman, sinubukan ko parin hanapin ang dinayang mani.

Doon, nakita ko, sa gilid ng mangkok... isang mani na tila tumatawag sa aking pansin. Hindi ko alam kung ano ang pumasok sa isip ko at dinampot ko iyon, pero parang kakaiba talaga ang pagkakapwesto niya. Parang hindi natural.

Sa aking pagkagulat... balat nga lang ito at wala ngang lamang mani. Pero hindi lang ako ang nagulat, pati ang kapatid ko.

"Haha... hindi ako ang naglagay nyan! haha... iba yan. hanapin mo yung sakin!" tinapon niya ang mapanlinlang na mani.

Natawa na lang rin ako sa nangyari. What are the odds of that? haha! At dahil natuwa ako, sinubukan ko ulit... this time, yung mani na niya talaga ang hahanapin ko. Kaya sinubukan ko ulit yung technique ko kanina. Nakiramdam ako. Nagconcentrate. Pero kahit anong titig ang gawin ko sa mga nilagang mani na nakaharap sa akin, wala na akong makita o maramdamang kakaiba. Dumampot na lang ako ng kahit anong mani. At random.

Sure enough... nabunot ko, sa pangalawang pagkakataon, ang maning walang laman [O.o] Pero sa pagkakataong ito, tama na ang nakuha ko.

Walang katapusang tawanan at yabang ang kasunod na narinig sa kwarto.

~POWER THOUGHT:

Sa isang banda, ang mga tao na hinaharap sa atin ng tadhana ay parang mga mani sa mangkok ng buhay. At mayroon siyang isang maning tinago roon na gusto niyang mapili natin. Hindi magiging madali ang paghahanap sa tamang mani. Sa ating pagpili, may ilan na tatawag sa ating pansin. Mabubunot natin sila at makikitang tama ang ating naging desisyon. Pero ang kaso, nameet man nila ang requirements na itinatak ng panahon sa ating utak, more often than not, hindi naman pala talaga sila ang tamang mani. Akala lang natin. Tatanggalin ito ng tadhana sa mangkok at uudyukin kang sumubok ulit. Sa pagkakataong ito... maaari ka paring magkamali. Maaari ka rin namang tumama. Nasa sa iyo 'yun. Basta ang mahalaga, wag kang magpakadalubhasa sa pagdesisyon na parang alam mo na lahat ng tama para sayo. Minsan, kailangan mo lang magtiwala... at ang mangkok mismo ang magaabot sayo ng sagot.

ako ba 'to? haha..!